Buon natali
A cu chianci ni l’agnuni
A cu è scurdatu e a diuni
Buon natali
A lu ‘nuccenti mascariatu
Senza l’acqua cunnanatu
Buon natali
A stu vecchiu camurriusu
abbannunatu e ‘nchiusu
Buon natali
A na mani ca saluta
E cu l’antra può ti sputa
Buon natali
A tia ca leggi abbuffatu
A lu callu e schiffaratu
Buon natali
Bedda genti arraccamata
Tutta d’oru’ mpumatata
Buon natali
Dicu a tutti e m’ha scusari
Siddu potti disturbari
Aristotele Cuffaro
Potrebbero interessarti:
